Masallı şəhər Ramiz Cəfərov adına 6 nömrəli tam orta məktəbin binasında əsaslı təmir və bərpa işləri aparılır. Bu haqda məlumatı Cenublu.az bu gün, 10 sentyabr tarixində Apa.az-a istinadən verir.
Məktəb binası 1990-cı ildə tikilib və 16 otaqdan ibarətdir. 300-ə yaxın şagirdin oxuduğu təhsil müəssisəsində 30 pedaqoji, 14 texniki işçi çalışır. Keçən ilə qədər məktəb qəzalı vəziyyətdə idi.
Artıq iki aydır ki, məktəbdə əsaslı təmir və bərpa işləri görülür. Məktəbin 15 sentyabra kimi təhvil verilməsi nəzərdə tutulub.
