Masallı Rayon İcra Hakimiyyəti yanında İctimai Şuranın növbəti yığıncağı keçirilib. Bu haqda məlumatı Cenublu.az bu gün, 3 sentyabr tarixində Masallı RİH-ə istinadən verir.
Rayon Ağsaqqallar klubunda keçirilən yığıncağı şuranın sədri Əyyub Mehdiyev açıb. O, İlham Əliyevin son vaxtlar Qarabağa səfərləri, keçirilən görüşlərdə ölkə iqtisadiyyatının möhkəmlənməsindən ötrü verdiyi tövsiyə və tapşırıqları haqda danışıb. Həmçinin Masallıya təyin etdilmiş yeni başçı Araz Əhmədovun bütün yaşayış məntəqələrində olması, şəhid məzarlarını ziyarət etməsi, vətəndaşların problemlərini dinləməsi barədə yığıncaq iştirakçılarına məlumat verib. Daha sonra rayonun şəhər, qəsəbə və kəndlərində mövcud nöqsanları gündəmə gətirərək, bunların aradan qaldırılmasında şura üzvlərinin səy göstərməsinin vacibliyini vurğulayıb. Sonda rayonda tərəvəzçiliyin, çayçılığın, xüsusilə tütünçülüyün inkişafı ilə bağlı təkliflərini irəli sürüb.
Tədbirin yekununda Şura yığıncağında səsvermə yolu ilə “Yeni həyat” qəzetinin məsul katibi Həsənağa Əliyev Masallı RİH yanında İctimai Şuranın mətbuat xidmətinin rəhbəri seçilib.
