Masallıda məşğul və işsiz əhalinin sayı məlum olub. Bu haqda məlumatı Cenublu.az bu gün, 6 sentyabr tarixində verir.
Belə ki, Masallı Rayon Statistika İdarəsindən verilən məlumata əsasən, rayonda 2022-ci ilin yeddi ayı ərzində məşğul əhalinin sayı 106.192 nəfər təşkil edir. Bu da ötən ilin müvafiq dövrü ilə müqayisədə 1.778 nəfər və ya 1,7 faiz çoxdur. Məşğul əhalinin 14,6 faizi şəhər yerləri üzrə, 85,4 faizi isə kənd yerləri üzrə qeydiyyatdadır. Məşğul əhalinin 60,6 faizi kənd təsərrüfatı, 11,8 faizi ticarət, 5,3 faizi təhsil, 4,9 faizi tikinti və 17,4 faizi isə iqtisadiyyatın digər sahələri üzrə çalışanlardır.
Rayon üzrə işsiz əhalinin sayı isə 5.737 nəfərdir. Bu da ötən ilin müvafiq dövrü ilə müqayisədə 1.041 nəfər və ya 15,4 faiz azdır. İşsiz əhalinin 23,3 faizi şəhər yerləri üzrə, 76,7 faizi isə kənd yerləri üzrə qeydiyyatdadır.
