Abşeron Rayon Polis İdarəsinin əməkdaşları rayonun Xırdalan şəhərində narkotik vasitələrin qanunsuz dövriyyəsinə qarşı növbəti əməliyyat keçiriblər. Bu haqda məlumatı Cenublu.az bu gün, 29 dekabr tarixində verir.
Belə ki, əməliyyat nəticəsində Masallı rayon sakini Mircəlal Əkbərli saxlanılıb. Həmin şəxsin üzərinə və yaşadığı evə baxış zamanı 2 kiloqrama yaxın psixotrop maddə metamfetamin və narkotik vasitə heroin aşkar olunaraq götürülüb.
Araşdırmalarla müəyyən edilib ki, M.Əkbərli şəxsiyyəti istintaqla araşdırılan İran vətəndaşı ilə sosial şəbəkələr vasitəsilə əlaqə yaradaraq ölkə ərazisinə müxtəlif qanunsuz yollarla göndərilən narkotikləri Xırdalan şəhərində satmaq məqsədilə qəbul edib.
Faktla bağlı Abşeron Rayon Polis İdarəsində araşdırma aparılır. Narkotiklərin qanunsuz dövriyyəsinin qarşısının alınması məqsədilə polis əməkdaşları tərəfindən mübarizə tədbirləri davam etdirilir.
[caption id="attachment_51234" align="alignnone" width="336"]
Foto DİN[/caption]
[caption id="attachment_51233" align="alignnone" width="336"]
Foto DİN[/caption]
