Masallıda “Masallı folkloru örnəkləri” kitabının III cildinin təqdimat mərasimi keçirilib. Bu haqda məlumatı Cenublu.az bu gün, 1 iyun tarixində Azərtac-a istinadən verir.
Gənclər Evində təşkil olunan görüşdə rayon ictimaiyyətinin nümayəndələri, o cümlədən QHT və KİV təmsilçiləri, mədəniyyət işçiləri, yazarlar, müəllimlər, gənclər, habelə Bakıdan gəlmiş ziyalılar iştirak ediblər. Toplantıda şəhidlərin xatirəsi anılıb, Azərbaycanın Dövlət Himni səsləndirilib.
Toplantının aparıcısı, Milli Məclisin Mədəniyyət Komitəsinin eksperti, şair-publisist Əkbər Qoşalı önəmli tarixi hadisələrdən, o cümlədən Xalq Cümhuriyyətinin elan olunmasının, ümummilli lider Heydər Əliyevin anadan olmasının məhz bu aya təsadüf etməsindən söz açaraq, folklora, ədəbiyyata, ümumilikdə mədəniyyət və sənətə dövlət qayğısından danışıb. Tədbirin bədii hissəsində yerli folklor qrupu çıxış edib.
