Xəbər verdiyimiz kimi, Masallı rayonu, Qəzvinoba kənd məktəbinin binası qəzalı vəziyyətdə olduğundan orada dərs keçmək şagirdlər üçün təhlükə yaradır. Məsələ ilə bağlı Oxu.az Lənkəran-Astara Regional Təhsil İdarəsi və Masallı rayon İcra Hakimiyyətinə sorğu ünvanlayıb.
Qeyd olunan qurumlardan carı ilin sentyabr-oktyabr aylarında sözügedən ərazidə yeni məktəb binasının tikiləcəyini söyləyiblər. Bu müddət ərzində məktəbdə tədris tam dayandırılacaq və bina inşa olunub təhvil verilənədək şagirdlər qonşu məktəblərə yerləşdiriləcəklər.
Qeyd edək ki, Qəzvinoba kənd məktəbində 20 müəllim, 8 texniki işçi və 140 şagird təhsil alır.
