Masallı Gənclər Evinin əməkdaşları “Qəhrəmanlarımızı Tanıdaq!” layihəsi çərçivəsində II Qarabağ müharibəsi qazisi Samir Həsənzadəni ziyarət ediblər. Bu haqda bu gün, 10 avqust tarixində Cenublu.az Masallı Gənclər Evinə istinadən xəbər verir.
Ziyarət zamanı qazimiz keçdiyi şərəfli döyüş yolundan söhbət açıb və onun qayğıları dinlənilib.
Həsənzadə Samir Rövşən oğlu 20 yanvar 1993-cü ildə Masallı rayonunun Musaküçə kəndində anadan olub. Musaküçə kənd F.Xancanov adına tam orta məktəbində təhsil alıb. 2020-ci il tarixində başlayan Vətən müharibəsinə yollanıb. Qubadlı və Cəbrayıl rayonlarının azadlığı uğrunda gedən döyüşlərdə fəal iştirak edib.
Prezident İlham Əliyevin sərəncamına əsasən, Həsənzadə Samir Rövşən oğlu “Cəbrayılın azad olunmasına görə”, “Qubadlının azad olunmasına görə”, “Cəsur döyüşçü” və “Vətən müharibəsi iştirakçısı” medalları ilə təltif olunub.
