Milli Məclisin deputatı, tarix elmləri doktoru, professor, Bakı Dövlət Universitetinin "Mənbəşünaslıq, tarixşünaslıq və metodika" kafedrasının müdiri Anar İsgəndərov Boradigah qəsəbəsində seçiciləri ilə görüş keçirib. Bu haqda məlumatı Cenublu.az bu gün, 25 avqust tarixində Asiya.az-a istinadən verir.
İlk öncə deputat qəsəbədə yerləşən şəhidlər abidəsini ziyarət edib. Daha sonra Boradigah qəsəbə inzibati ərazi dairəsi üzrə nümayəndəliyinin həyətində baş tutan görüşdə o, deputat seçildiyi gündən bu vaxta kimi görülən işlər barəsində hesabat xarakterli məlumat verib.
Vətəndaşlar su kanalının təmizlənməsi, Qumbaşı-Boradigah yolunun təmiri, qəsəbədə uşaq bağçasının və yaşlı nəslin istirahət etməsi üçün “Ağsaqqalar evi”nin olmaması, şəkərli diabet xəstələri üçün nəzərdə tutulan dərmanların normadan az gəlməsi və digər məsələlər ilə bağlı müraciət ediblər.
Sonda Millət vəkili qeyd olunan məsələləri müvafiq qurumlara çatdıracağını bildirib.
