Masallıda idmançılarla ideoloji-maarifləndirici görüş keçirilib. Bu haqda məlumatı Cenublu.az bu gün, 2 sentyabr tarixində Masallı rayon İcra Hakimiyyətinə istinadən verir.
Maarifləndirici tədbirin keçirilməsində məqsəd yeniyetmə və gənclərdə Vətənə məhəbbət hissinin formalaşması, onların asudə vaxtlarının səmərəli təşkili, gənc nəslin mənəvi və fiziki inkişafı üçün vacib olan idmanın kütləviliyi və sağlam həyat tərzinin təbliğidir.
Həmçinin qeyd olunub ki, ilham Əliyev Milli Olimpiya Komitəsinin prezidenti olan zaman məhz onun diqqət və qayğısı sayəsində Azərbaycan idmanı yeni mərhələyə qədəm qoyub və yeni zirvələr fəth edib. Daha sonra Masallı idmançılarının bu il respublika və beynəlxalq yarışlarda qazandığı uğurlar barədə məlumat verilib.
Sonda Azərbaycanın məğrur gənclərinin 44 günlük Vətən müharibəsində göstərdikləri şücaətdən danışılıb.
