Masallı Rayon İcra Hakimiyyətinin başçısı Araz Əhmədov İcra Hakimiyyətinin inzibati binasında vətəndaşların növbəti qəbulunu keçirib. Bu haqda məlumatı Cenublu.az bu gün, 10 sentyabr tarixində verir.
Qəbulda rayon icra hakimiyyəti başçısı aparatının məsul əməkdaşları, hüquq-mühafizə orqanlarının rəhbərləri, rayonun idarə, müəssisə və təşkilat rəhbərləri iştirak ediblər.
94 nəfərdən çox vətəndaşın iştirak etdiyi qəbulda, əsasən, Masallı şəhər, Boradigah və Ərkivan qəsəbələri, Sığdaş, Xırmandalı, Həsənli, Yeddioymaq və digər kəndlərin sakinləri müraciət ediblər.
Masallı Rayon İcra Hakimiyyətinin başçısı Araz Əhmədov görüşdə qaldırılan məsələlərin həlli istiqamətində müvafiq qurumlara tapşırıqlar verib. 42 məsələ yerindəcə həll olunub, digər məsələlər nəzarətə götürülüb.
