Masallı Rayon İcra Hakimiyyətinin başçısı Araz Əhmədov İcra Hakimiyyətinin inzibati binasında vətəndaşların qəbulunu keçirib. Bu haqda məlumatı Cenublu.az bu gün, 13 avqust tarixində verir.
Qəbulda Rayon İcra Hakimiyyəti başçısı aparatının məsul əməkdaşları, hüquq-mühafizə orqanlarının rəhbərləri, rayonun idarə, müəssisə və təşkilat rəhbərləri iştirak ediblər.
30 nəfərə yaxın vətəndaşın iştirak etdiyi qəbulda qanunsuz həbs olunma, maddi kömək, məşğulluq və işlə təmin olunma, payıbəlli, həyətyanı torpaq sahəsi, evə qaz, işıq xəttinin çəkilməsi, sağlamlıq məhdudiyyətinə görə əlillik dərəcəsinin təyin edilməsi, oğurluq hadisəsi ilə bağlı istintaq işinin düzgün aparılmaması, şəxsi ev tikintisində maneə ilə qarşılanma, mənzil növbəsi, xəstə uşağına maddi yardımın göstərilməsi, binanın satılması və s. məsələlər barədə müraciətlər olub.
İcra başçısı vətəndaşların qəbulunu yekunlaşdıraraq müraciətlərin həlli istiqamətində müvafiq qurumlara tapşırıqlar verib, həlli mümkün olan məsələlər yerindəcə həll olunub.
