Bu gün, 2 sentyabr tarixində sosial şəbəkələrdə Masallıdan olan deputat Məşhur Məmmədovun yol polisi tərəfindən saxlanılması ilə bağlı video gündəmi zəbt edib.
Videomaterialdan görünür ki, deputat avtomobili sürücülük vəsiqəsi üzərində olmadan idarə edib. Daha sonra polislə danışan deputat ona: “Deyim, indi oğlum evdən gətirsin”, - deyib. Lakin DYP əməkdaşı: “Gecənin bir vaxtı biz indi gözləməliyik ki, oğlunuz nə vaxt sizə vəsiqə gətirəcək?”, - deyə cavab verib. Məşhur Məmmədov isə öz növbəsində “Onda cərimə yazın”, - deyə bildirib.
Məsələ ilə bağlı Cenublu.az millət vəkilinin köməkçisi ilə əlaqə saxlayıb.
Deputatın köməkçisi açıqlamasında bildirib ki, video illər öncə, Məşhur Məmmədovun deputat olmadığı zaman çəkilib. “Video 2013-cü ilin qış aylarında çəkilib. İllər sonra məhz bu gün paylaşılması qərəzli məqsəd daşıyır və Məşhur müəllimin nüfüzuna zərbə yetirmək üçün edilib. Qoy mətbuat Məşhur Məmmədovun xeyriyyəçiliyini işıqlandırsın. Onun təşəbbüsü ilə Qəhrəmanlar parkının yenidən qurulmasından, Masallı Təhsil Fondunun 101 qızın təhsil haqqını ödəməsindən yazsın. Bu cür lazımsız paylaşımlara isə ehtiyac yoxdur”, - deyə o bildirib.
Qeyd edək ki, Milli Məclisin 70 saylı Masallı şəhər seçki dairəsinin deputatı Məşhur Məmmədov 4 oktyabr 1963-cü ildə Masallı rayonunun I Yeddioymaq kəndində, ziyalı ailəsində anadan olub. O, “Progress Construction” şirkətlərinin təsisçisidir.
Sözügedən videonu izləyicilərimizə təqdim edirik:
View this post on Instagram
