Masallıda baş vermiş genişmiqyaslı yanğın söndürülüb. Bu haqda bu gün, 30 avqust tarixində Cenublu.az FHN-ə istinadən xəbər verir.
Nazirlikdən verilən məlumata əsasən, Məmmədoba kəndi yaxınlığında baş vermiş yanğın nəticəsində təxminən 5 hektar sahədə ağaclıq və kol-kos yanıb. Sıx meşəlik ərazi yanğından mühafizə olunub.
Yanğının söndürülmə prosesində FHN-in Dövlət Yanğından Mühafizə Xidməti, Mülki müdafiə qoşunları, Xüsusi Riskli Xilasetmə Xidməti, Cənub Regional Mərkəzinin müvafiq qüvvələri və Aviasiya dəstəsinin iki ədəd helikopteri, eləcə də Ekologiya və Təbii Sərvətlər Nazirliyi Meşə Təsərrüfatı Mərkəzi və yerli icra hakimiyyətinin əməkdaşları, bir qrup kənd sakini iştirak ediblər.
