İki övladını Vətənə əmanət saxlayan igidimiz Raqib Əzizovun doğum günüdür.
Raqib Əzizov Vidadi oğlu 29 avqust 1991-ci ildə Masallının Yolağac kəndində anadan olub. 2008-ci ildə Güllütəpə kənd tam orta məktəbini bitirdikdən sonra Azərbaycan Hərbi Dəniz Qüvvələrinin "N" saylı hərbi hissəsində müddətli həqiqi hərbi xidmətdə olub.
2012-2013-cü illərdə Azərbaycan Silahlı Qüvvələrinin TTM-də təhsil alan Raqib Əzizov, 2013-cü ilin aprelindən "N" saylı hərbi hissədə bağlama rabitə bölüyünün mobil retransiyasiya stansiyasının rəisi vəzifəsində xidmət edib.
Vətən müharibəsində qəhrəmancasına savaşan Raqib Əzizov 8 dekabr tarixində Xocavənd rayonunun Hadrut qəsəbəsində şəhadətə ucalıb. Raqib Əzizov 9 dekabr tarixində Masallı rayonunun Yolağac kəndində dəfn olunub. Ailəli olan Raqib 2 övladını Vətənə əmanət saxlayıb.
O, ölümündən sonra "Vətən uğrunda", "Xocavəndin azad olunmasına görə", "Zəngilanın azad olunmasına görə” medalları ilə təltif olunub.
