Masalı rayon İcra Hakimiyyətinin başçısı Araz Əhmədov Qəriblər və Qodman kəndlərində səyyar qəbul-görüş keçirib. Bu haqda məlumatı Cenublu.az bu gün, 25 avqust tarixində Masallı RİH-yə istinadən verir.
Görüşdə rayon rəhbəri ilə yanaşı, rayon icra hakimiyyəti başçısının birinci müavini Məmmədhüseyn Hüseynov, aparatın şöbə müdirləri Qəşəm Hadıyev, Afəddin Kərimov, baş məsləhətçi Vəli Muxtarov, ağsaqqallar, din xadimləri, ziyalılar, şəhid ailələri, qazilər, gənclər və ərazi sakinləri iştirak ediblər.
İlk öncə çıxış edən Masallı RİHB-nın Qodman kənd inzibati ərazi dairəsi üzrə nümayəndəsi Sirus Səfərov ərazi barədə geniş məruzə ilə çıxış edib.
Daha sonra vətəndaşlar yaşadıqları kəndlərdə mövcud olan qəzalı elektrik dirəklərinin dəyişdirilməsi, rabitə xətlərinin yenilənməsi, köhnə qaz xətlərinin dibinin bərkidilməsi, kəndə asfalt örtüyünün döşənməsi, suötürücü kanalların təmizlənməsi, poçt binasının mərkəzdə tikilməsi, uşağının xəstə olması, avtobus marşrut xəttinin açılması, ağacların budanması, abonent telefon borcları ödənildikdən sonra vətəndaş müraciəti olmadan dərhal aşılması, su və artezian quyularının salınması və digər təxirəsalınmaz sosial məsələlər barədə müraciətlər ediblər.
Masallı RİH başçısı, öz növbəsində, həlli mümkün olan məsələləri yerindəcə həll edib, digər məsələlərlə bağlı isə müvafiq qurumlara tapşırıqlar verib.
