Masallı rayon İcra Hakimiyyətinin başçısı Araz Əhmədov Qarğalıq və Şərəfə ərazilərində görüş təşkil edib. Bu haqda bu gün, 10 avqust tarixində Cenublu.az xəbər verir.
Görüşdə Qarğalıq, Xallıcalı, Kürdəbaz, Qədirli, Əminli və Şərəfə kəndlərinin sakinləri iştirak ediblər. İcra başçısı ərazilərdə olan Birinci və İkinci Qarabağ müharibələri şəhidlərinin məzarlarını, abidə komplekslərini ziyarət edib. Bütün görüşlərdə şəhidlərin ruhu bir dəqiqəlik sükutla yad edilib.
Daha sonra sakinlər Araz Əhmədova onları maraqlandıran sualları ünvanlayıblar. İcra başçısının tapşırığı ilə bütün təklif və xahişlər həlli üçün qeydiyyata götürülüb.
