Əmək və əhalinin sosial müdafiəsi nazirinin müavini Anar Kərimov Masallıda vətəndaşları qəbul edəcək. Bu haqda məlumatı Cenublu.az bu gün, 31 avqust tarixində nazirliyə istinadən xəbər verir.
9 sentyabr tarixində baş tutacaq qəbula yazılmaq üçün vətəndaşlar 31 avqust - 6 sentyabr tarixlərində nazirliyə rəsmi şəkildə ([email protected] elektron ünvana və ya poçt vasitəsilə) müraciət edərək və ya 142 - Çağrı Mərkəzi ilə əlaqə saxlayaraq müraciət edə bilərlər.
Qəbul zamanı Əmək və Əhalinin Sosial Müdafiəsi Nazirliyinin səlahiyyət dairəsinə aid müraciətlər cavablandırılacaq, müraciətlərdə əksini tapan məsələlərin həlli ilə əlaqədar tədbirlər görüləcək.
Qeyd edək ki, vətəndaşlar qəbula yazılmış şəxslərin əvvəlcədən tərtib edilmiş siyahısı əsasında qəbul ediləcəklər.
