Lerik rayonunda kütləvi yayılan Mərakeş çəyirtkələrinə qarşı genişmiqyaslı mübarizə tədbirləri həyata keçirilir.
Cenublu.az xəbər verir ki, Respublika Bitki Mühafizəsi və Fumiqasiya Mərkəzinin əməkdaşları tərəfindən Blaband, Ambu, Bərzavu və Əliabad kəndlərini əhatə edən 600 hektardan çox sahədə kimyəvi dezinfeksiya işləri aparılıb. Zərərvericilərin hazırda inkişafın 1-2-ci yaş mərhələsində olduğu bildirildiyindən mübarizə tədbirlərinin daha effektiv olduğu qeyd edilir.
Çəyirtkələrin yayılma arealının geniş olması səbəbindən Astara və Lənkəran Bitki Mühafizə mərkəzlərinin fumiqasiya qrupları da işlərə cəlb olunub. Mütəxəssislər son illər zərərvericilərin artmasını qlobal iqlim dəyişiklikləri və yüksək temperaturla əlaqələndirirlər.
