Lerik rayonunda yerləşən "Təbəssüm" istirahət mərkəzi alışıb. Bu haqda məlumatı Cenublu.az bu gün, 1 fevral tarixində verir.
Hadisə Sivəkəran kəndində baş verib. Belə ki, hər birinin sahəsi 144 kv.m olan 2 ədəd ikimərtəbəli yeməkxana binasının yanar konstruksiyaları və içərisində olan avadanlıqlar alovlanıb. Həmçinin yaxınlıqda bir-birinə bitişik, ümumi sahəsi 120 kv.m olan 3 ədəd kottecdən sahəsi 34 kv.m olan bir kottecin yanar konstruksiyaları, digər iki kottecin isə dam örtüyü yanıb.
Əraziyə FHN-in texnika və canlı qüvvəsi cəlb edilib. Yanğın lokallaşdırılıb və digər tikililərə keçməsinin qarşısı alınıb.
Kotteclərin qalan hissəsi və meşə zolağı yanğından mühafizə olunub. Alov söndürülüb.
