Lerik rayonunun Günəşli kəndi ərazisində avtobusun qəzaya uğraması nəticəsində səkkiz nəfər həlak olub. Bu haqda məlumatı Cenublu.az bu gün, 5 sentyabr tarixində Apa.az-a istinadən verir.
Həlak olanlar Lənkəran rayonunun Boladi kənd sakinləri - Sərvər Əhməd qızı Həşimova, Saray İslam qızı Axundova, Təcrübə Ağababa qızı Ağayeva, Güldəstə Məmmədağa qızı Cəfərova, Səmayə Ağababa qızı Rzayeva, Zərintac İslam qızı Tahirova, Nazxanım İsabala qızı Rəhimova və Göyşaban kənd sakini Dilarə Rəhim qızı Xəlilovadır.
Qəza zamanı xəsarət alanlar Boladi kənd sakinləri - 63 yaşlı Səyyad Hacıbala oğlu Səyyadov, 64 yaşlı Nazilə Ağəli qızı Kərimova, 63 yaşlı Şərafət Ənvər qızı Fərəcova, 70 yaşlı Əsbət Ağabala qızı İbrahimova, 63 yaşlı Gülər Məmmədağa qızı Qurbanova, 62 yaşlı Şəfiqə Rəhim qızı Ağayeva, 62 yaşlı Zəhra Rəhim qızı Səyyadova, 69 yaşlı Lətifə Zaman qızı Axundovadır.
Onların müalicəsi Lənkəran Rayon Mərkəzi Xəstəxanasında aparılır.
Avtobusun sürücüsü Səyyad Səyyadovun vəziyyəti stabilləşdiyindən o, artıq palataya köçürülüb. Reanimasiyada olan 7 nəfərin vəziyyəti ağır olaraq qiymətləndirilir.
