Bu gün Vətən müharibəsi şəhidimiz Eşqin Cəfərzadənin doğum günüdür.
Eşqin Hamlet oğlu Cəfərzadə 1997-ci il aprelin 20-də Lənkəranın Darquba kəndində dünyaya gəlib.
Aprel döyüşlərində Lələtəpə və Talış kəndi uğrunda gedən əməliyyatlarda manqa komandiri, top atıcısı kimi iştirak edib. Hərbi xidmətini başa vurduqdan sonra Lənkərana qayıdıb. 2020-ci il sentyabrın 28-də hərbi komissarlığın çağırışı ilə cəbhəyə yollanıb. Hadrutda, Suqovuşanda, Cəbrayılda, Zəngilanda, Füzuli və Qubadlıda döyüşüb. 2020-ci il oktyabrın 21-də Qubadlıda şəhid olub, noyabrın 5-də Şiləvar kənd qəbiristanlığında dəfn olunub.
Ölümündən sonra "Vətən uğrunda", "Qubadlının azad olunmasına görə", "Cəbrayılın azad olunmasına görə" və "Cəsur döyüşçü" medalı ilə təltif edilib.
