Bu gün Vətən müharibəsi şəhidi Ehtiram Hüseynlinin doğum günüdür.
Ehtiram Həsən oğlu Hüseynli 1977-ci il aprelin 17-də Lənkəran şəhərində anadan olub.
2002-ci ildən Lənkəran şəhərində S. Kazımbəyov adına 6 nömrəli tam orta məktəbdə müəllim kimi fəaliyyət göstərib. Ailəli idi, bir oğlu yadigar qalıb.
Vətən müharibəsi zamanı Cəbrayılın və Qubadlının azadlığı uğrunda gedən döyüşlərdə iştirak edib. Oktyabrın 21-də Qubadlı istiqamətində şəhid olub. Lənkəran şəhərində dəfn edilib.
Ölümündən sonra "Vətən uğrunda", "Cəbrayılın azad olunmasına görə", "Qubadlının azad olunmasına görə" və "İgidliyə görə" medalları ilə təltif edilib.
