Lənkəranın bəzi ərazilərində elektrik enerjisinin verilişində müvəqqəti fasilə yaranacaq.
Cenublu.az xəbər verir ki, bu barədə "Azərişıq" ASC məlumat yayıb.
Bildirilib ki, təmir və sazlama işləri ilə əlaqədar bu gün, saat 10:00-dan 14:00-dək Kosalar, Hirkan, Siyavar, Vel, Daştatük, Parakənd, Mamusta, Bala Şükür və Gərmətük kəndlərində elektrik enerjisinin verilişi müvəqqəti dayandırılacaq.
Qeyd olunan ərazilərdə aparılan işlər başa çatdıqdan sonra elektrik enerjisinin verilişi bərpa ediləcək.
