Lənkəran şəhərinin 2-ci mikrorayon ərazisində məişət tullantılarının uzun müddət daşınmaması sakinlərin narazılığına səbəb olub.
Cenublu.az xəbər verir ki, şikayətçilərin sözlərinə görə, 6, 7, 9, 12, 17 və 19 nömrəli çoxmərtəbəli yaşayış binalarının həyətində yerləşən tullantı meydançalarında yığılan zibillər həftələrlə daşınmır. Nəticədə tullantılar ətrafa yayılır, ərazidə antisanitar vəziyyət yaranır və isti havalarda kəskin qoxu hiss olunur.
Bildirilib ki, gecə saatlarında sahibsiz itlər zibilləri ətrafa dağıdır, bu isə həm sanitar vəziyyəti ağırlaşdırır, həm də təhlükə yaradır.
Vətəndaşlar aidiyyəti qurumlardan məişət tullantılarının təcili daşınmasını, ərazinin dezinfeksiya olunmasını və problemin qısa müddətdə aradan qaldırılmasını tələb edirlər.
