Lənkəran şəhərində Mirzə Məhəmmədhüseyn Axundov və 20 Yanvar küçələrinin kəsişməsində tez-tez baş verən yol-nəqliyyat hadisələri əhalinin narahatlığına səbəb olub.
Cenublu.az -a müraciət edən sakinlərin sözlərinə görə, bu ərazidə mütəmadi olaraq qəzalar baş verir. Yol-nəqliyyat hadisələri nəticəsində dəfələrlə qaz xətti zədələnib. Təmir işləri aparılsa da, hazırda qaz borusunun bir hissəsinin sınmış vəziyyətdə qaldığı bildirilir.
Şikayətçilər qeyd edirlər ki, son qəzalardan birində avtomobil yol kənarında yerləşən mağazaya çırpılıb və obyektin giriş qapısına ciddi ziyan dəyib.
Sakinlər aidiyyəti qurumlardan sözügedən kəsişmədə işıqfor quraşdırılmasını və digər zəruri təhlükəsizlik tədbirlərinin görülməsini xahiş edirlər.
