Lənkəran şəhərinin Səttərxan küçəsində aparılan abadlıq işlərindən sonra yaranmış vəziyyət sakinlərin narazılığına səbəb olub.
Cenublu.az xəbər verir ki, vətəndaşların sözlərinə görə, küçədə yeni səki salınsa da, tikinti zamanı istifadə olunan qum yolun kənarında yığılmış vəziyyətdə qalıb. Bu isə həm piyadaların hərəkətini çətinləşdirir, həm də avtomobillər üçün yolun hərəkət hissəsini daraldır.
Şikayətçilər aidiyyəti qurumlardan ərazidəki qum və tikinti qalıqlarının təmizlənməsini, səkinin isə piyadaların rahat və təhlükəsiz istifadəsi üçün tam yararlı vəziyyətə gətirilməsini xahiş edirlər.
