Lənkəran rayonunda yol-nəqliyyat hadisəsi baş verib.
Cenublu.az xəbər verir ki, Liman şəhərində Bakı istiqamətində hərəkətdə olan "Kia Ceed" markalı avtomobil qarşı tərəfdən gələn "Opel" markalı avtomobillə toqquşub. Qəza nəticəsində "Kia"da olan üç nəfər, Cəlilabad rayon sakinləri - Vüsal Şahbazov, Sadiq Heydərov və Adil Əliyev müxtəlif dərəcəli bədən xəsarətləri alıblar.
Yaralılar Lənkəran xəstəxanasına hospitalizasiya olunublar.
Xəsarət alanların sözlərinə görə, hadisəyə "Kia" markalı avtomobilin sürücüsünün hərəkətdə olarkən mobil telefonla yazışması səbəb olub.
Faktla bağlı araşdırma aparılır.
