Azərbaycan Qida Təhlükəsizliyi Agentliyinin əməkdaşları tərəfindən Lənkəran şəhərində fəaliyyət göstərən ictimai iaşə obyektində yoxlama aparılıb.
Cenublu.az xəbər verir ki, yoxlama zamanı M. Mustafaxan küçəsi 69 ünvanında yerləşən, fiziki şəxs Bağırov Xaqani Əlimirzə oğluna məxsus kafedə sanitar-gigiyenik tələblərin və normativ hüquqi aktların pozulduğu müəyyən edilib.
Bundan əlavə, obyektə baxış zamanı "Ruskiy Dozor" və "Magnat" əmtəə nişanlı, mənşəyi məlum olmayan alkoqollu içkilər aşkar olunaraq satışdan kənarlaşdırılıb.
Faktla bağlı sahibkar barəsində inzibati protokol tərtib edilib, aşkar olunmuş nöqsanların aradan qaldırılması üçün isə müvafiq müddət verilib.
