Lənkəran şəhərində 7 saylı tam orta məktəbin yaxınlığında yerləşən, yağış sularının axıdılması üçün nəzərdə tutulan açıq kanal uzun müddətdir təmizlənmədiyindən ərazidə antisanitar vəziyyət yaranıb.
Cenublu.az xəbər verir ki, sakinlərin sözlərinə görə, kanal müxtəlif tullantılar, alaq otları və kol-kosla dolduğundan suyun axını dayanıb. Yay aylarında əraziyə üfunət yayılır, milçək və digər həşəratların çoxalması isə ətrafda yaşayanları ciddi narahat edir.
Şikayətçilər aidiyyəti qurumlardan kanalın əsaslı surətdə təmizlənməsini, kol-kos və alaq otlarının biçilərək ərazinin səliqəyə salınmasını xahiş edirlər.
