Lənkəran şəhərinin Şəhidlər xiyabanı ərazisində, 7 nömrəli məktəbə aparan yolda kanalizasiya lükünün ətrafında yaranan asfalt deformasiyası sürücülər üçün ciddi təhlükə yaradır.
Sakinlərin Cenublu.az -a verdiyi məlumata görə, xüsusilə axşam saatlarında və yağışlı havalarda lükün ətrafındakı çöküntü avtomobillərin hərəkətini çətinləşdirir, eyni zamanda yol-nəqliyyat hadisələrinin başvermə riskini artırır.
Vətəndaşlar məktəbə gedən yolda təhlükəsizliyin təmin olunması üçün aidiyyəti qurumları lükün ətrafında yaranmış problemin qısa müddətdə aradan qaldırılmasına çağırırlar.
