Lənkəran şəhərinin "Raypo" adlanan ərazisinin sakinləri illərdir baxımsız qalan iri selötürücü magistral kanalın ciddi təhlükə yaratdığını bildirirlər.
Cenublu.az xəbər verir ki, sakinlərin sözlərinə görə, kanal uzun müddətdir lil və çöküntüdən təmizlənmədiyi üçün qamış və yabanı otlarla örtülüb. Bundan əlavə, bəzi şəxslər gecə saatlarında kanala məişət tullantıları ataraq vəziyyəti daha da ağırlaşdırırlar.
Vətəndaşlar payız və qış mövsümündə yağan güclü yağışlar zamanı kanalın suyu ötürə bilməyəcəyindən, nəticədə ərazinin su altında qalacağından narahat olduqlarını bildirirlər. Onlar aidiyyəti qurumlardan magistral kanalın təcili təmizlənməsini və mümkün daşqın riskinin qarşısının alınması üçün tədbir görülməsini tələb edirlər.
