Lənkəranda avtomobil suötürücü kanala aşıb.
Cenublu.az xəbər verir ki, hadisə Lənkəran-Lerik magistralında, rayonun Qurumba kəndi ərazisində qeydə alınıb.
Belə ki, Lənkəran şəhəri istiqamətində hərəkətdə olan "Audi Q7" markalı minik avtomobili idarəetmədən çıxaraq yol kənarındakı qaz borusuna çırpılıb. Daha sonra avtomobil suötürücü kanala aşıb.
Qəza nəticəsində avtomobildə olan 6 nəfər – yaxın qohumlar: 73 yaşlı Yelena Qurbanova, 7 yaşlı Ramil Qurbanov, 45 yaşlı Ruslan Qurbanov, 12 yaşlı Fərman Qurbanov, 38 yaşlı Günel Qurbanova və 53 yaşlı Maya Hüseynova müxtəlif dərəcəli bədən xəsarətləri alaraq Lənkəran Rayon Mərkəzi Xəstəxanasının Təcili yardım şöbəsinə hospitalizasiya olunublar.
Xəsarət alanlara ilkin tibbi yardım göstərildikdən sonra müalicələrinin davamı üçün müvafiq şöbələrə yerləşdiriliblər.
Faktla bağlı araşdırma aparılır.
