Lənkəran-Astara Regional Gənclər və İdman İdarəsində regional müşavirə keçirilib. Bu haqda məlumatı Cenublu.az bu gün, 16 fevral tarixində verir.
Lənkəran Olimpiya İdman Komplesində keçirilən müşavirədə idarəyə daxil olan sektorların müdir və əməkdaşları, gənclər evlərinin, olimpiya idman komplekslərinin, idarənin nəzdində fəaliyyət göstərən Uşaq Gənclər İdman Məktəbinin direktorları və əməkdaşları iştirak ediblər.
Çıxış edən Teymur Babazadə qarşıda duran vəzifələrdən söhbət açıb. Tədbirdə rayonlarda gənclər sahəsində və idman siyasətinin icrası, ümumi təşkilati məsələlər, kütləviliyin artırılması üçün vacib addımlar və digər məsələlər müzakirə olunub. Sonda müzakirə olunan məsələləri dinləyən idarə rəisi aidiyyəti şəxslərə müvafiq sahələr üzrə tövsiyə və tapşırıqlarını verib.
