M.Fərzullayev adına Lənkəran rayonu Mamusta kənd tam orta məktəbinin şagirdi Respublika fənn müsabiqəsində biologiya fənni üzrə qaliblərdən biri olub. Bu haqda məlumatı Cenublu.az bu gün, 26 iyun tarixində verir.
Belə ki, məktəbin 7-ci sinif şagirdi Cəfərova Kövsər Vüsal qızı gümüş medala layiq görülüb.
Qeyd edək ki, müsabiqə VI və VII sinif şagirdləri arasında təşkil olunur. Müsabiqənin keçirilməsində əsas məqsəd şagirdlərdə fənlərə olan marağın artırılması və istedadlı şagirdlərin erkən yaşlarda müəyyən edilməsidir.
