Lənkəranlı gənc oğlanlar Avropa İttifaqının maliyyə dəstəyi ilə təşkil olunan düşərgədə iştirak edirlər. Bu haqda bu gün, 7 sentyabr tarixində Cenublu.az “UNFPA Azerbaijan”-a istinadən xəbər verir.
Ölkənin 8 bölgəsindən gənclərin qatıldığı düşərgə 3 gün davam edəcək. Layihənin təşkil olunmasında məqsəd gənclərin iştirakı yolu ilə qız uşaqlarına münasibətdə cəmiyyətdə mövcud olan stereotiplərin aradan qaldırılmasına və qız övladının dəyərinin təşviqinə dəstək verməkdən ibarətdir.
15-18 yaşlı oğlanların iştirak etdiyi düşərgədə iştirakçılar üçün "Cins və gender", "Məsuliyyətli atalıq", "Gender bərabərliyi”, “Gender əsaslı cins seçimi və gender əsaslı zorakılıq” mövzularında təlimlər keçiriləcək.
Qeyd edək ki, düşərgədə Lənkəran gənclərindən savayı Qax, Mingəçevir, Bakı, Sumqayıt, Gəncə, Ağstafa və Tovuzdan olan oğlanlar da iştirak edir.
