Lənkəranda sitrus meyvələrinin təsərrüfatı ilə məşğul olan fermerlərə təlim keçirilib. Bu haqda bu gün, 23 avqust tarixində Cenublu.az Aqrar Xidmətlər Agentliyinə istinadən xəbər verir.
Təlim Balaşürük kəndində Aqrar Xidmətlər Agentliyinin Lənkəran Regional Təlim Mərkəzi tərəfindən keçirilib. Fermerlərə “Sitrus bağlarında calaq işləri, göz calağının üstünlükləri və növləri“ mövzusunda praktiki təlim keçirilib. Təlimdə Lənkəran RTM-in, ETİ-nin Lənkəran Çay filialının əməkdaşları və tingçiliklə məşğul olan fermerlər iştirak ediblər.
Tingçiliklə məşğul olan fermerlər calaq növləri, calaqdan şaxtaya, xəstəliyə və zərərvericilərə qarşı davamlı sortların alınması barədə məlumatlar əldə ediblər.
Tədbirin sonunda fermerlər onları maraqlandıran sualların cavablarını tapıblar və müvafiq tövsiyələr alıblar.
