Lənkəran rayonunun Şilim kəndində yerləşən transformator sakinləri narahat edir. Bununla bağlı onlar bu gün, 15 fevral tarixində Cenublu.az-a müraciət ediblər.
Sakinlər bildirirlər ki, transformator normadan artıq yükləndiyindən tez-tez qısaqapanma olur və transformatora qoşulan abonentlər işıqsız qalırlar:
“Yayda kondisionerlərin, qışda isə istilik avadanlıqlarının istifadəsinə görə tez-tez işıqlarımız sönür. Həmçinin bu transformatora kəndimizdə yerləşən mebel sexi ve restoran da qoşuludur. Artıq 10 ildir ki, bu problemlə üz-üzəyik. Xahiş edirik aidiyyəti qurumlardan, transformatoru yeniləsinlər”.
