Nailiyyətlərinin say-hesabı olmayan lənkəranlı cüdoçu Orxan Səfərovun doğum günüdür.
Orxan Səfərov 10 avqust 1991-ci ildə Lənkəranın Sara adasında dünyaya gəlib. 7 yaşından cüdo idman növü ilə məşğul olan Orxan ilk uğurlarını 2009-cu ildə qazanıb. O, gənclər arasında Azərbaycan Çempionatında gümüş medalın sahibi olub.
Qazandığı medalların say-hesabı olmayan Orxan Səfərov karyerası ərzində World Masters və Qran-Pri yarışlarında 4 qızıl, 2 gümüş və 4 bürünc medal qazanıb.
Lənkəranın fəxri olan Orxan Səfərov dünya çempionatlarında 1 gümüş və 1 bürünc, Avropa çempionatlarında 1 qızıl, 2 gümüş və 1 bürünc medalların sahibidir. O, 2017-c ildə Bakı şəhərində keçirilən İslam Həmrəyliyi Oyunlarında fərdi və komanda qarşıdurmalarında qızıl medal qazanıb.
Rəqiblərinin qorxulu röyasına çevrilən Orxan 60 kq çəki dərəcəsində mübarizə aparır.
Qeyd edək ki, lənkəranlı cüdoçu Avropa çempionudur və Azərbaycan idmanının inkişafında böyük xidmətlərinə görə “Tərəqqi” medalının sahibidir.
