Lənkəranda yeniyetmə süni göldə boğularaq həyatını itirib.
Cenublu.az xəbər verir ki, bədbəxt hadisə səhər saatlarında rayonun Tükəvilə kəndi ərazisində baş verib.
Kənd sakini – 2007-ci il təvəllüdlü Tohid Bəhram oğlu Ələsgərov sahələri suvarmaq üçün süni gölün ətrafında gəzərkən ehtiyatsızlıqdan ayağı sürüşərək gölə düşüb. Göldə suyun səviyyəsi yüksək olduğundan o, suda boğularaq ölüb. Əraziyə aidiyyəti qurumların nümayəndələri cəlb olunub. Traktor vasitəsi ilə gölün qarşısı qazılıb və suyun səviyyəsi endirildikdən sonra meyit sudan çıxarılıb.
Meyit aidiyyəti üzrə təhvil verilib.
Faktla bağlı araşdırma aparılır.
