Lənkəranda evə düşən ildırım yanğına səbəb olub.
Cenublu.az xəbər verir ki, hadisə Lənkəran rayonunun Viyən kəndində baş verib.
Kənd sakini 1963-cü il təvəllüdlü Şahan Sevdim oğlu Hüseynova məxsus ikimərtəbəli, dörd otaqlı evə ildırım düşüb. Evdə yanğın başlayıb. Yerli sakinlər tərəfindən yanğının qarşısı alınıb. Sakinlər deyir ki, ilk dəfə idi ki, Lənkəranda belə güclü ildırım çaxırdı: "İldırım əvvəl həyətdə olan dirəyi vurdu, dirəyə bağlanan naqil vasitəsilə də evə keçib".
Qeyd edək ki, hadisə baş verən zaman evdə heç kim olmayıb. Ev sahibi Rusiya Federasiyasında yaşayır.
View this post on Instagram
