Lənkəran-Astara Regional Təhsil İdarəsinin təşkilatçılığı ilə konfrans baş tutub. Bu haqda bu gün, 14 sentyabr tarixində Cenublu.az idarəyə istinadən xəbər verir.
Tədbirdə Elm və Təhsil Nazirliyinin Məktəbəqədər təhsil sektorunun müdiri İlahə Rəsulova, Lənkəran-Astara Regional Təhsil İdarəsinin müdiri Elxan Nəcəfov, Astara, Cəlilabad, Lənkəran, Lerik, Masallı və Yardımlı rayonları üzrə təhsil sektorunun əməkdaşları və həmin rayonlarda çalışan ümumi təhsil müəssisələrinin direktorları iştirak ediblər.
Konfransdan öncə icra başçısı Taleh Qaraşov və digər iştirakçılar Heydər Əliyevin abidəsini ziyarət edib, önünə gül dəstələri düzüblər. Tədbir zamanı şəhidlərin xatirəsi bir dəqiqəlik sükutla yad edilib.
Daha sonra iştirakçılar çıxış edərək yeni tədris ilinin prioritet məsələləri haqqında fikir mübadiləsi aparıblar. Konfrans iştirakçılarını maraqlandıran məsələlərə aydınlıq gətirilib və suallar cavablandırılıb.
