Lənkəran rayonu Vilvan kəndində şəhid Nahid Fikrət oğlu Səfərovun xatirəsinə inşa olunan bulağın açılış mərasimi keçirilib. Bu haqda məlumatı Cenublu.az bu gün, 3 sentyabr tarixində Lənkəran ŞİH-yə istinadən verir.
Tədbir Lənkəran Şəhər İcra Hakimiyyətinin başçısı Taleh Qaraşovun şəhidin anası Gülbəniz Səfərova ilə birgə xatirə bulağının açılış lentini kəsməsi ilə başlayıb. Geniş nitqlə çıxış edən icra başçısı, Vətən müharibəsi şəhidlərindən, onların keçdiyi şərəfli döyüş yolundan, Zəfər günündən, Ali Baş komandanımızın uğurlu siyasətindən danışıb.
Sonra şəhid atası bütün bunlara görə dövlətimizin başçısına və Birinci vitse-prezidentə təşəkkürünü bildirib.
Sonda Vilvan kənd tam orta məktəbinin şagirdləri şəhidlərimizə həsr olunan şeirlər səsləndiriblər.
