Lənkəranda quş qripi xəstəliyinə qarşı epizootoloji monitorinqlər keçirilib. Bu haqda məlumatı Cenublu.az bu gün, 13 iyun tarixində verir.
Yoxlama Qızılağac Milli Parkını və dəniz sahili zonalarını əhatə edib. Monitorinq çərçivəsində ailə təsərrüfatında saxlanılan müxtəlif növ ev quşlarından laborator müayinə üçün qan və yaxma nümunələri götürülüb, təsərrüfatlara ümumi baxış keçirilib və epizootoloji məlumatlar toplanıb.
Müayinələrin ümumi təhlili nəticəsində yüksək patogen quş qripi xəstəliyinin törədicisi və xəstəliyə şübhəli klinik əlamətləri olan quşa rast gəlinməyib.
