Lənkəran rayonunun Paşa Təhməzov küçəsindəki yaşayış binası təhlükə saçır.
Bununla bağlı Cenublu.az-a müraciət daxil olub.
“İki mərtəbədən ibarət binada 12 sakin yaşayır. Şəhərin mərkəzində bu şəraitdə yaşamağımız həm bizim üçün, həm ətraf üçün təhlükəlidir”, - şikayətdə bildirilir.
Qeyd olunub ki, onilliklər öncə inşa edilən tikilidə son dəfə nə zaman təmir işlərinin aparılmasını artıq heç kim xatırlamır. Əslində artıq təmirin də heç bir əhəmiyyəti yoxdur: bina xidmət müddətini çoxdan başa vurub.
Sakinlər deyirlər ki, istənilən halda, məsələyə əncam çəkilməlidir. Lakin bir neçə dəfə aidiyyəti qurumlara müraciət etmələrinə baxmayaraq, problem həllini tapmayıb.
View this post on Instagram
