Lənkəranda qarın törətdiyi fəsadların bir qismi həll olunsa da, hələ də bir sıra ərazilərdə problemlər davam edir. Bu haqda məlumatı Cenublu.az bu gün, 16 yanvar tarixində verir.
Redaksiyamıza daxil olan çoxsaylı müraciətlərə əsasən, şəhərin bir çox ərazilərində ağacların aşması nəticəsində elektrik naqilləri qırılıb və hələ də bərpa olunmayıb. Rayonun Sütəmurdov kəndi artıq 3 gündür ki, işıqsızdır.
Şəhərin Şəhidlər xiyabanı küçəsindəki 7 saylı tam orta məktəbin arxa tərəfində rabitə dirəyinin aşması nəticəsində 10 ailə internetsiz qalıb. Həmçinin həmin küçənin 16-cı döngəsində də eyni vəziyyət yaşanır.
Şəhərin keçmiş Vağzal, indiki Orxan Quluzadə küçəsi qardan təmizlənmədiyindən sakinlərin hərəkətində məhdudiyyət yaranıb. Onlar bildirirlər ki, işə və məktəbə piyada getmək məcburiyyətindədirlər.
Qeyd edək ki, qarın yaratdığı fəsadlardan biri də çörək almaq üçün yaranan böyük növbələrdir.
[URIS id=52001]
