Lənkəranda 45 yaşlı qadın yanıb. Bu haqda məlumatı Cenublu.az bu gün, 11 iyul tarixində Apa.az-a istinadən verir.
Hadisə rayonun Kərgəlan kəndində qeydə alınıb. Belə ki, kənd sakini, 45 yaşlı Zəhra Fikrət qızı Hüseynova həyətdə təmizlik işləri görərkən zibil tullantılarını yandırmaq istəyib. Tullantıların yanmadığını görən qadın zibillərin üzərinə benzin töküb. Bu zaman ani ehtiyatsızlıq qadının özünün yanmasına səbəb olub. Onun qışqırığına anası və qonşuları gəlib.
Qadın təcili yardım briqadasının köməyi ilə xəstəxanaya çatdırılıb. Onun vəziyyəti ağır qiymətləndirildiyi səbəbindən zəruri tibbi yardımdan sonra o, Bakıya göndərilib.
Faktla bağlı araşdırma aparılır.
