Lənkəran şəhərində “Müasir çağırışlar və qarşıda duran əsas hədəflər” mövzusunda üçgünlük regional konfrans keçirilir. Bu haqda məlumatı Cenublu.az bu gün, 13 iyul tarixində Azertac-a istinadən verir.
Konfrans 12 iyul tarixindən başlayıb. Tədbiri açan Lənkəran Şəhər İcra Hakimiyyətinin başçısı Taleh Qaraşov milli-mənəvi dəyərlərimizin bərpasının, dövlət-din münasibətlərinin formalaşdırılmasının xüsusi əhəmiyyət daşıdığını vurğulayıb. Natiq bu gün respublikamızda dini dəyərlərə hörmətlə yanaşıldığını, tolerantlıq modelinin mövcud olduğunu da diqqətə çatdırıb.
Daha sonra DQİDK sədrinin birinci müavini Səyyad Salahlı, YAP Lənkəran rayon təşkilatının sədri İqbal Əmənullayev, Qafqaz Müsəlmanları İdarəsinin bölgə qazısı Qəni Axundzadə, Rayon Ağsaqqallar Şurasının sədr müavini Güloğlan Bağırov, Lənkəran ŞİH yanında İctimai Şuranın sədri Əlimərdan Əliyev çıxışlarında vurğulayıblar ki, Azərbaycanın bütün bölgələri kimi, Lənkəran rayonu da hər bir sahədə özünün müasir inkişaf dövrünü yaşayır. Rayonda bütün vətəndaşlara adət-ənənələrin və dini ayinlərinin icrası üçün lazımi şərait yaradılıb.
Tədbir çərçivəsində kitab sərgisi də keçirilib.
