Lənkəranda 15 İyun – Milli Qurtuluş Günü qeyd olunub. Bu haqda məlumatı Cenublu.az verir.
Səhər saatlarından başlayaraq ulu öndərin Lənkəran şəhər Heydər Əliyev parkında ucaldılmış abidəsi Lənkəran Şəhər İcra Hakimmiyyətinin (ŞİH) başçısı Taleh Qaraşov, icra aparatının kollektivi, rayonun hüquq-mühafizə orqanlarının nümayəndələri, hərbi qulluqçular, idarə, müəssisə və təşkilatların əməkdaşları, habelə geniş ictimaiyyət tərəfindən ziyarət olunub, ümummilli lider Heydər Əliyevə olan hörmət və ehtiram ifadə edilib.
Rayon rəhbərliyində təmsil olunan vəzifəli şəxslər daha sonra Heydər Əliyev muzeyinə baş çəkiblər, onun həyat və fəaliyyətini əks etdirən fotostendlərlə tanış olub, büstü önünə tər güllər düzüblər.
Müstəqil Azərbaycanın memarı Heydər Əliyevin Lənkəran şəhərinin mərkəzindəki abidəsi gün ərzində ictimaiyyət nümayəndələri tərəfindən ziyarət olunur.
Qeyd edək ki, Milli Qurtuluş Günü ilə bağlı rayonun təhsil, mədəniyyət, gənclər, səhiyyə və digər müəssisələrində silsilə tədbirlər keçirilib.
