Lənkəranda 23 avqust hadisələri zamanı həlak olanların xatirəsi anılıb. Bu haqda bu gün, 23 avqust tarixində Cenublu.az Lənkəran ŞİH-yə istinadən xəbər verir.
1993-cü il 23 avqust tarixində baş vermiş hadisələr nəticəsində 3 nəfər Lənkəran sakini qəhrəmanlıqla həyatını itirib və onlarla insan yaralanıb. Ümummilli Lider Heydər Əliyevin müvafiq sərəncamları ilə 23 avqust hadisələri zamanı həlak olan Soltanağa Bayramov, Paşa Təhməzov və Etibar Əliyev Azərbaycanın Milli Qəhrəmanı fəxri adları ilə təltif olunublar.
Hər il olduğu kimi, Lənkəran ŞİH-nin rəsmiləri və ictimaiyyət Vətənin bütövlüyü uğrunda şəhid olan qəhrəmanlarımızın xatirəsini yad ediblər və abidələri önünə tər çiçəklər düzüblər. Verilən məlumata əsasən, Lənkəran Şəhər İcra Hakimiyyəti tərəfindən Milli Qəhramanların ailə üzvlərinə maddi dəstək göstərilib.
