Qəni Vəliyev adına Lənkəran şəhər Mədəniyyət Mərkəzində sərgi keçirilib. Bu haqda məlumatı Cenublu.az bu gün, 14 iyun tarixində verir.
Sərgidə Uşaq Rəssamlıq Məktəbi məzunlarının diplom işləri sərgilənib. Tədbirdə Lənkəran–Astara Regional Mədəniyyət İdarəsinin rəisi Bəxtiyar Qılıncov, rəis müavini Dadaş Muxtarlı, müəssisə rəhbərləri və məktəbin kollektivi iştirak ediblər.
İştirakçılar əvvəlcə sərgiyə baxış keçiriblər, sonra müxtəlif müsabiqələrdə uğur qazanmış şagirdlərə diplom və sertifikatlar təqdim olunub.
